الخرطوم: المحرر
أكد رئيس مجلس السيادة الفريق محمد حمدان دقلو تمسكه بالاتفاق الاطاري.
وقال : خلال لقاء جماهيري بشمال بحري أنه لم يقم بصياغة الاتفاق الإطاري لجهة ان هنالك من يقول ان الموضوع ده انا راعيهو .
واضاف : اولا أنا وقعت علي الوثيقة فقط ووجدت أطراف التوقيع جاهزين ومحددين وحينها انا كنت في مدينة الجنينة وبعد العودة وقعت فقط علي الوثيقة .
وقال دقلو هنالك وثيقة موجودة وجاهزة في الادراج ، موكدا التزامهم التام بالوثيقة الاطارية واضاف: هذا عهد وقعنا عليه وسنوفي به ان العهد كان مسؤولا .
ونصح دقلو بالتمسك بالاتفاق وقال : اذا ما عاوزين البلد تتفرتق وتجوط المخرج من الازمة في الاتفاق الاطاري.
وتابع :الاطاري فقط ماف غيرو وزاد: الناس البتقول الوضع الحالي يستمر نقول لهم نحن خلال (13 ) شهر و(15) يوم ما شكلنا حكومة والآن مرتبات ماف والبلد ماشية لي وراء.
وقال : أي زول عاوز “يكنكش” في الوضع الحالي نقول ليهو الموضوع ده مابمشي لي قدام ماف مرتبات والدولة لاتستطيع دعم الانتاج والمنتجين
وتابع : الناس البقولوا الاتفاق الاطاري الموقعين عليهو ناس بسيطين نقول ليهم انتم من حددتم الموقعين وسألناكم حينها هل يستقيم هذا الامر اجبتم بنعم وسألناكم مابتنطوا قلتوا مابننط ولذلك نحن نقول والله مابنرجع وراء .
وتابع : نحن مادام قبلنا بالاتفاق نمشي فيهو لي قدام لجهة انه اتفاق مدعوم من الخليج والغرب والدول الافريقية لذلك يجب ان ننفذ نتائجه حتي نصل مربط الفرس في الانتخابات .
وطالب دقلو الادارات الاهلية والطرق الصوفية بدعم الاتفاق الاطاري ..
إضغط هنا للإنضمام لقروب الواتس 5 إضغط هنا للإنضمام لقروب الواتس 6
